Мадриднинг "Реал" клуби ўнг қанот ҳимоячиси Даниэль Карвахал жароҳатидан узоқ муддат тикланиши кутилмоқда.

Испаниялик футболчи Ла Лиганинг яқинда "Вильярреал"га қарши ўйинида "Лос Бланкос"нинг 2:0 ҳисобидаги ғалабаси билан якунланган ўйинда тиззасидан жароҳат олган эди. Текширувлар натижасида Карвахалнинг олдинги хоч боғлами йиртилгани аниқланган. Маълумки, бундай жароҳат билан футболчининг мавсум охиригача тузалиб кетиш имконияти деярли йўқ, бироқ Marca нашрининг ёзишича, вазият янада ачинарли бўлиши мумкин: "Реал Мадрид" футболчини камида 1 йил давомида тикланишини кутмоқда.

Эслатиб ўтамиз, оғир жароҳат ҳақидаги қайғули хабардан сўнг дарҳол "қироллик клуби" Карвахал билан шартномани 2026 йилнинг ўрталарига қадар узайтирди.