“Ювентус” ярим ҳимоячиси Пол Погбанинг допинг учун дисквалификацияси 4 йилдан бир ярим йилга қисқартирилди.

Ушбу қарорнинг тушунтирилиши билан боғлиқ баёнот Спорт арбитраж суди (CАS) расмий сайтида чоп этилди.

"CАS ҳайъати ўз қарорини Погба қасддан допинг истеъмол қилмаганлигини тасдиқловчи далиллар ва ҳужжатларга асослайди.

Бу Флорида штатидаги шифокор томонидан тайинланган қўшимча дорини нотўғри қабул қилиш натижасидир.

Футболчи ушбу шифокордан АҚШда бир нечта нуфузли спортчиларни даволагани ва Погбанинг антидопинг мажбуриятларидан хабардор эканлиги ҳақида кафолат олди”, — дейилади ҳужжатда.