Лондоннинг "Фулхэм" клубида ўйнаётган ҳужумкор ярим ҳимоячи Адама Траоре фаолиятини Испания чемпионатида давом эттириши мумкин. Бу ҳақда Todofichajes портали хабар бермоқда.
Манбанинг хабарига кўра, 28 ёшли футболчи билан учта клуб қизиқиш билдирмоқда. Траоре учун “Атлетико”, “Реал Сосьедад” ва “Вильярреал” кураш олиб боради. Потенциал трансфер суммаси 10-15 миллион еврога баҳоланмоқда. Англия Премьер-лигасининг жорий мавсумида Траоре "Фулхэм" сафида еттита ўйин ўтказди. Испаниялик вингер битта гол урди ва иккита голли узатмани амалга оширди.
