Испания терма жамоаси бош мураббийи Луис де ла Фуэнте 17 ёшли Ламин Ямалнинг юкламаси ҳақида гапирди.

Ёш вингер терма жамоа учун ҳам, «Барселона» учун ҳам муҳим роль ўйнайди. Бундай юк ўзининг катталар даражасида иккинчи мавсумини ўтказаётган футболчига зарар етказиши мумкин деган хавотирлар бор.

«Ямал бир мавсумда 70 та ўйин ўтказади, аммо у терма жамоада ойига бир мартагина ўйнайди. Унинг иш юки учун жавобгарлик Испания терма жамоасида эмас, деб ўйлайман. Бу кўпроқ «Барселона»га боғлиқ, у кўпроқ вақтини у ерда ўтказади», - деди Де ла Фуэнте.