Машҳур собиқ футболчи Гари Линекер Томас Тухелнинг Англия терма жамоасига бош мураббий этиб тайинлангани ҳақидаги фикрлари билан ўртоқлашди.
Чоршанба куни Тухель 2025 йилда «Уч шерлар» билан ишлашни бошлаши маълум бўлди.
«Тухель Саутгейтдан фарқли равишда бошқа турдаги мураббий. Ҳужумкор ўйин борасида у кўпроқ тажовузкор бўлади. Тухель тактик жиҳатдан доно ва менимча, у Саутгейт давридагидан кўра кўпроқ ҳужумкор ўйнайди. Томас жамоани бирлашишга ва ўзига ишонишга мажбур қила оладими, буни кўриш қизиқ бўлади», - дея Линекер сўзларини келтиради "BBC".
Келаси йили Европада 2026 йилги жаҳон чемпионатига саралаш бошланади.
