«МЮ» ижрочи директори Девид Гилл кеча Мадридга жўнаб кетди. У ерда жаноб Гилл «Реал» ҳужумчиси Криштиану Роналдунинг агенти Жорже Менеш билан учрашади.

Хабарингиз бор, «Юнайтед» Роналдуни 2009 йилда айнан «Реал»га 80 миллион фунт эвазига сотган ва бу транфер ҳамон футбол тарихадги энг қиммат харид бўлиб турибди.

Роналдунинг келиши жамоани бошқариши кутилаётган Девид Мойесга ҳам Уэйн Рунини «МЮ»да сақлаб қолиши учун ёрдам бериши мумкин.

Жамоани мавсум тугагач тарк этадиган сэр Алекс Фергюсон ҳам португалиялик футболчини яна «МЮ»да кўришга умид қилишини яшириб ўтирмаган.

Чемпионлар лигаси доирасидаги «Реал» — «МЮ» ўйинидан кейин ҳам журналисталар мураббийдан Роналду ҳақида сўрашганда, сэр уни ҳамон жамоада кўришни хоҳлаётганини таъкидлаган эди.

Ўз ўрнида Роналду ҳам сэр ҳақида ўша ўйин тугагач илиқ фикрларни айтган эди: «Мен жамоага янги келган вақтимда сэр менга 7-рақамни берган ва бу рақамнинг масулиятини тушунтирган эди».

«МЮ» мутасаддилари Роналду борасидаги трансфернинг муваффақиятли амалга ошишига ишонишмоқда.

Эсалтиб ўтамиз, Роналду ўтган тўрт мавсум давомида «Реал» таркибида 197 ўйинда майднога тушиб, рақиб дарвозаларига 200 марта гол киритган.