"Челси" бош мураббийи Энцо Мареска замонавий футболда тўпсиз ишлаш муҳимлиги ҳақида гапирди.
Италиялик мураббий ҳимояда жамоасининг барча ҳужумкор футболчиларидан максимал даражада фидойилик кутишини тан олди.
"Футболда фақат истеъдод етарли деб ўйламайман. Яна бир нарса керак. Ҳозир мен нафақат Палмер ҳақида, балки барча ҳужумкор футболчиларимиз ҳақида гапиряпман. Мадуэке керак бўлганда ортга қайтиб ҳаракатланаётганини кўрасиз.
Айнан шу нарса бизга керак - Нету, Феликс, Нкунку, Мудрик, Санчо. Ҳозир футболда тўп билан яхши муомала қилишнинг ўзи етарли эмас - у билан ҳам, усиз ҳам ишлай олиш керак", - дея Маресканинг сўзларини келтиради PA Sport.
