"Лестер Сити" ҳужумчиси Жейми Варди мавсум охирида бутсаларини михга илиши мумкин.
37 ёшли футболчи "тулкилар" учун муҳим ўйинчи бўлиб қолмоқда, аммо бу кампания унинг охиргиси бўлиши мумкин. Goal нашрининг Fichajes нашрига таяниб хабар беришича, фахрий футболчи фаолиятини якунлаш ҳақида ўйламоқда. Тез орада қарор қабул қилиниши кутилмоқда. Форвардга Саудия Арабистони ёки Қатардан ҳам молиявий жиҳатдан фойдали таклифлар бўлиши мумкин.
Олдинроқ "Лестер" Варди билан шартномани узайтиришга қизиқаётгани ҳақида хабар берилганди. Футболчи жорий Премьер-лиганинг саккизта учрашувида учта гол урди.
