Лум Тшауна "Твенте" мухлислари томонидан ирқчилик билан ҳақоратлангани ҳақида хабар берди.
Европа лигасининг 3-тури доирасидаги ўйинда “Лацио” Нидерландия клубини мағлуб этди (2:0).
De Telegraph журналисти Жероэн Каптейнснинг хабар беришича, Рим клуби ярим ҳимоячиси Лум Тшауна мухлисларнинг трибунадаги хатти-ҳаракатларига эътибор қаратган ва буни ўзи учун ирқчилик деб билган.
Футболчининг сўзларига кўра, трибунадан "ўрмон товушлари" ёки "маймун қичқириғи"ни эслатувчи ҳайқириқлар эшитилган.
"Твенте" вакиллари клуб воқеа юзасидан атрофлича суриштирув олиб боришини айтишди.
