"Реал Мадрид" бош мураббийи Карло Анчелотти ҳужумчи Винисиус Жуниорга мураббийлик қилиш қандай, деган саволга жавоб берди.

"Бу дунёнинг энг яхши футболчиларидан бирига устозлик қилиш демакдир. У жуда камтар йигит ва у ҳақиқатан ҳам футболчи сифатида жуда зўр бўлиб, дунёнинг энг яхшиларидан бирига айланди. У келажакдаги "Олтин тўп" соҳиби. У худди мен у билан биринчи танишган кундаги каби камтарлик ва тартиб-интизомга эгадир", - деди Анчелотти матбуот анжуманида.

“Реал” Испания чемпионатидаги навбатдаги ўйинини 26 октябрь, шанба куни ўз майдонида “Барселона”га қарши ўтказади.