"Олтин тўп"ни топшириш маросимида "Реал Мадрид" номидан Эмилио Бутрагеньо қатнашади.
Испаниялик журналист Рамон Альварес де Монтнинг хабар беришича, Мадрид клуби директори France Football мукофотларини топшириш маросимида клуб номидан якка ўзи қатнашади. Маросим бугун Париждаги Шателье театрида бўлиб ўтади.
Олдинроқ журналист Хосе Луис Санчес ғалаба қозониш учун фаворит ҳисобланган "Реал" вингери Винисиус Жуниор овоз йиғишда иккинчи ўринни эгаллагани ҳақида хабар берганди. Унинг ўрнига "Манчестер Сити"дан Родри йилнинг энг яхши футболчиси деб эълон қилинади.
Marca хабарига кўра, овоз бериш натижалари билан танишган "Реал" 50 кишидан иборат клуб делегацияси Парижга жўнаб кетишидан бир неча соат олдин парвоз қилиши керак бўлган рейсни бекор қилган.
