Яқинда Саудия Арабистони терма жамоаси бош мураббийи лавозимини тарк этган Роберто Манчини келажак ҳақидаги саволга жавоб берди. Мутахассис ўтган ҳафта ишсиз қолди.
Миш-мишларга кўра, италиялик ҳамкорликни муддатидан олдин тўхтатгани учун 25-30 миллион евро миқдорида товон пули олган. Бироқ, мураббийнинг ўзи бу маълумотни тасдиқламади.
"Ҳаётда нима бўлишини ҳеч қачон билмайсан. Италия терма жамоаси мамлакатнинг асосий жамоаси ҳисобланади. Биз биргаликда жуда кўп ютуқларга эришдик, жумладан, рекорд даражадаги мағлубиятсиз сериямиз бор", - деди 59 ёшли мураббий.
