"Манчестер Сити" ҳимоячиси Кайл Уокер яқин келажакда жамоани тарк этиши мумкин.

34 ёшли футболчи жорий мавсумда «шаҳарликлар»нинг асосий таркибида камдан-кам майдонга тушди ва касаллик туфайли сўнгги ўйинларда қатнашмади.

Football Insider хабарига кўра, "Манчестер Сити" Уокернинг охирги ўйинидан мамнун эмас. Клуб раҳбарлари келаси йили инглиз юлдузи билан хайрлашиш ҳақида ўйламоқда.

Кайл Уокер 2017 йилнинг ёзидан буён “Сити” шарафини ифодалайди. Умуман олганда, футболчи Пеп Гвардиола жамоасида 308 та ўйинда майдонга тушди, шу жумладан ушбу мавсумда 7 та ўйинда.