Килиан Мбаппе "Монако" акцияларининг бир қисмини сотиб олиш ҳақида ўйлаётганди.
GFFN L'Equipe нашрига таяниб хабар беришича, "Реал" форварди ўзининг Coalition Capital инвестиция фонди орқали клуб улушини сотиб олиб, "Монако" акциядори бўлмоқчи бўлган. Қайд этилишича, йил бошида клубнинг асосий акциядори Дмитрий Риболовлев ўз улушини сотиш имкониятини кўриб чиқаётган эди.
Маълум қилинишича, Мбаппе сўралаётган нарх жуда юқори бўлгани учун "Монако" улушини сотиб олишдан бош тортган. Июль ойида футболчи Лига 2да ўйнайдиган "Кан"нинг 80 фоиз акциясини 20 миллион еврога сотиб олди.
Эслатиб ўтамиз, Мбаппе 2013 йилдан 2017 йилгача "Монако" тизимида бўлган - у ердан Килиан 180 миллион евро эвазига "ПСЖ"га ўтганди.
