"Интер" мағлубиятсиз сериясини 8 та ўйинга етказди.
Кеча"нерадзуррилар" А сериянинг 11-турида "Венеция"ни Лаутаро Мартинеснинг голи эвазига мағлуб этишди (1:0).
Барча турнирлардаги сўнгги 8 учрашувда "Интер" 7 та ғалаба қозонган ва бир марта "Ювентус" билан дуранг ўйнаган (4:4).
Симоне Индзаги шогирдлари сўнгги бор 22 сентябрь куни "Милан" билан ўйинда (1:2) мағлуб бўлганди.
Навбатдаги ўйинда "Интер" Чемпионлар лигасининг умумий босқичи доирасида "Арсенал"га қарши ўйнайди - ўйин 6 ноябрь куни бўлиб ўтади. Келаси якшанба куни жамоа чемпионат пешқадами "Наполи"га қарши майдонга тушади – жамоалар жадвалда 1 очко билан ажралиб туришибди.
