Рубен Аморим "Манчестер Сити" билан бўлажак ўйин ҳақида гапирди.
Чемпионлар лигаси умумий босқичининг 4-турида “Спортинг” Англиянинг амалдаги чемпиони билан учрашади. Ўйин эртага, 5 ноябрь куни бўлиб ўтади.
Португалиялик мутахассис эртанги ўйиннинг аҳамияти ҳақидаги саволга "Манчестер Юнайтед"га ўтиши кутилаётган вазиятда жавоб берди.
"Мен бор эътиборимни “Спортинг”даги ғалабага қаратганман. Хулоса мен учун муҳим эмас, чунки улар нотўғри бўлиши мумкин.
Агар натижа салбий бўлса, умидлар пасаяди. Агар биз ғалаба қозонсак, кимдир янги Алекс Фергюсон "Юнайтед"га келяпти, деб ўйлайди. Бу жуда қийин бўлади", - деди Аморим.
