«Реал» қийин даврни бошдан кечирмоқда ва жамоа бош мураббийи Карло Анчелотти матбуот анжуманида ноодатий савол олди. Италиялик мураббийдан Бразилия терма жамоасига ўтмаганидан афсусланяптими, деб сўрашди.
«Оҳ! Саволингиз учун раҳмат. Ҳечқиси йўқ, бу нозик фурсат, лекин давом этиш керак. Мен ҳеч нарсадан афсусланмайман ва «Реал» базасида ҳар бир кундан завқланишда давом этаман. Бу ерда ўтказган вақтимни қадрлайман. Бу қийин давр, лекин мен бу ерда, дунёдаги энг яхши клубда бўлганимдан хурсандман. Қийинчиликлар ҳар доим бўлади», - деди Анчелотти журналистларга.
