"Барселона" "Реал"га жадвалда уларга яқинлашиш имкониятини берди.

Ла Лиганинг 13-турида бош мураббий Ханси Флик шогирдлари сафарда "Сосьедад"дан мағлуб бўлди (0:1), Мадридликлар ўз майдонида "Осасуна"ни мағлуб этди (4:0).

"Барселона" 33 очко билан турнир жадвалида пешқадамлик қилмоқда. "Реал" иккинчи ўринда (27) ва уларда захира ўйини бор - "Валенсия"га қарши ўйин Дана бўрони оқибатлари туфайли қолдирилди.

"Атлетико" 26 очко билан учинчи ўринда. Кучли тўртликни "Вильярреал" (24) якунлаб турибди.

Кейинги ўринларда "Осасуна" (21), "Атлетик" (20), "Бетис" (20) ва "Реал Сосьедад" (18) жой олган.

Чемпионлар лигасида иштирок этаётган "Жирона" кучли ўнталикни (18) якунлайди. "Севилья" 13-ўринда (15), "Валенсия" 20-ўринда (11 ўйиндан кейин 7 очко).