"Манчестер Юнайтед" афсонаси Рой Кин ўзининг бўлажак куёви Тэйлор Харвуд-Беллиснинг Англия терма жамоасидаги дебют голига муносабат билдирди.
Халқаро танаффус вақтида 22 ёшли Харвуд-Беллис фаолиятида илк бор Англия терма жамоасига чақирилди. Бунгача “Саутгемптон” ҳимоячиси Киннинг қизи Ли билан унаштирилгани маълум бўлганди.
Харвуд-Беллис ўтган пайшанба куни Грецияга қарши ўйнамади, лекин якшанба куни Ирландияга қарши ўйинда захирадан майдонга тушди ва дебютини гол билан нишонлади.
Англиянинг "Уэмбли"даги 5:0 ҳисобидаги ғалабасидан сўнг, ирландиялик Кин бўлажак куёвининг муваффақияти ҳақида турли фикрда эканлигини тан олди.
"Бу (қизи билан турмуш қуриш) ҳали тўлиқ ҳал қилинмаган, Эшитинг, Кинларнинг оиласида ҳамма нарса жуда тез ўзгариши мумкин!
Унинг голи менда турли ҳис-туйғуларни уйғотади. Бу унинг учун яхши дебют ва у рақиб дарвозасига таҳдид қилиши мумкин. У яхши йигит ва унинг оиласи ҳақиқатан ҳам яхши иш қилган. У жуда яхши йигит", - деди Кин ITV телеканалига.
