"Manchester Yunayted" afsonasi Roy Kin o‘zining bo‘lajak kuyovi Teylor Xarvud-Bellisning Angliya terma jamoasidagi debyut goliga munosabat bildirdi.
Xalqaro tanaffus vaqtida 22 yoshli Xarvud-Bellis faoliyatida ilk bor Angliya terma jamoasiga chaqirildi. Bungacha “Sautgempton” himoyachisi Kinning qizi Li bilan unashtirilgani ma’lum bo‘lgandi.
Xarvud-Bellis o‘tgan payshanba kuni Gresiyaga qarshi o‘ynamadi, lekin yakshanba kuni Irlandiyaga qarshi o‘yinda zaxiradan maydonga tushdi va debyutini gol bilan nishonladi.
Angliyaning "Uembli"dagi 5:0 hisobidagi g‘alabasidan so‘ng, irlandiyalik Kin bo‘lajak kuyovining muvaffaqiyati haqida turli fikrda ekanligini tan oldi.
"Bu (qizi bilan turmush qurish) hali to‘liq hal qilinmagan, Eshiting, Kinlarning oilasida hamma narsa juda tez o‘zgarishi mumkin!
Uning goli menda turli his-tuyg‘ularni uyg‘otadi. Bu uning uchun yaxshi debyut va u raqib darvozasiga tahdid qilishi mumkin. U yaxshi yigit va uning oilasi haqiqatan ham yaxshi ish qilgan. U juda yaxshi yigit", - dedi Kin ITV telekanaliga.
