"Бавария" вингери Лерой Сане клуб билан янги шартнома борасидаги музокараларнинг бориши ҳақида гапирди. Немис футболчисининг амалдаги шартномаси келаси ёзда якунига етади.
"Мен ўзимга, ўз позициямга ва клубимга ишонаман. Бизда шаффоф ва осойишта мунозаралар бор. Мен яна мунтазам ўйнаб, майдонда ўтказган вақтимдан завқланмоқчиман. Ҳозир биз яхши ўйнаяпмиз, муҳит ажойиб.
Ўзимни қулай ҳис қиляпман. Биз махфий музокаралар олиб бормоқдамиз. Ҳозир бор эътиборимни “Бавария”га қаратганман, қолган ҳафталар ва ойларда ҳаммасини кўрамиз”, деди 28 ёшли футболчи.
