Доривал Жуниорнинг фикрича, Бразилия терма жамоаси унинг бошчилигида муваффақиятга эришган.
62 ёшли мутахассис шу йилнинг январь ойида жамоани қабул қилиб олган эди.
Унинг раҳбарлигида бразилияликлар Америка Кубогида (чорак финалда чиқиб кетишган, пенальтилар сериясида Уругвайга ютқазишган) ва ЖЧ-2026 саралашида (улар ҳозирда саралаш жадвалида 5-ўринни эгаллаб туришибди) иштирок этишди.
“Тараққиёт бор. Мен барча чизиқларимизга қараб баҳо бераман. Охирги икки ўйинда яхши натижа кўрсатдик, аммо баъзи жойларда омадимиз келмади. Яна битта гол ва йилни жадвалда 2-ўринда якунлашимиз мумкин эди.
Ўйлайманки, ўйинимизда кўп нарса ўзгарди. Биз ўз йўлимиздан кетяпмиз, натижаларимизни яхшилашни истаймиз ва бунга аллақачон яқинмиз. Аммо мухлисларда ишонч уйғотадиган мукаммал жамоани яратиш учун вақт керак", – деди мураббий.
