"Манчестер Юнайтед"нинг собиқ ҳужумчиси Тедди Шерингем "Арсенал" ярим ҳимоячиси Деклан Райсни Англия чемпионатининг энг яхши футболчиси деб топди.

Райс 2023 йил ёзида "Вест Хэм"дан 105 миллион фунт стерлинг эвазига "канонирлар"га қўшилганидан кейин ўзини "Арсенал"нинг асосий ўйинчиси ва етакчиси сифатида кўрсатди.

25 ёшли Райс шу кунгача "Арсенал" сафида 65 та ўйин ўтказган ва Шерингем "канонирлар"нинг чемпионликка даъвогар бўлиш қобилияти асосан Декланга боғлиқ деб ҳисоблайди.

"Деклан Райс - Премьер-лигадаги энг яхши инглиз футболчиси ва у Англия ёки "Арсенал"да ўйнаган жамоаларда катта фарқ қилади.

У сафда бўлса, у жамоа учун катта плюс. У ўрнак кўрсатади. У етакчилик қилади ва у нима қилиш кераклигини айтади. Мен унинг етакчилиги ва маҳоратини яхши кўраман.

Юқори даражадаги ўйинчилар шундай қилишади. Улар қолган ўйинчиларга ўрнак бўлишади, бошқа ўйинчиларга таъсир қилишади ва бутун жамоани яхшилашади.

У "Арсенал" учун ажойиб трансфер бўлди ва улар ҳозирда лигада ғалаба қозониш учун курашаётганига катта сабабдир", - деди Шерингем Daily Mirror билан суҳбатда.