"Манчестер Юнайтед" афсонаси Рио Фердинанднинг фикрича, у бугунги кундаги нархи 170 миллион фунт стерлингга тенг бўларди.
2002 йилда "Манчестер Юнайтед" Риони "Лидс"дан 30 миллион фунт стерлингга сотиб олиб, Фердинандни энг қиммат британиялик футболчига айлантирди.
Ўшандан бери Фердинанд етти марта Премьер-лига, икки марта Лига кубоги ва Чемпионлар лигасида ғалаба қозониб, Англия футболи тарихидаги энг яхши марказий ҳимоячилардан бири сифатида ном қозонди.
Фердинанднинг фикрича, агар у бугун фаолиятининг чўққисига чиққанида унинг нархи ва маоши анча юқори бўларди.
"Ҳозир бозордаги нархларни қаранг, бугун 30 миллион фунт...
Бир вақтлар мен 30 миллион фунт стерлингга тенг эдим. Ҳозир 100 миллион фунт стерлинг мен учун арзон нарх бўларди. Мен жиддий гапиряпман. Бугунги бозор ҳақиқатини ҳисобга олсак... 170 миллион фунт, ҳафтасига 400 минг фунт. Мен ҳозирги бозорда шундай бўлардим", - деди Фердинанд.
