"Челси" бош мураббийи Энцо Мареска аввалроқ "Лестер"да бирга ишлаган ҳужумчи Жейми Вардини мақтади.
"Варди ажойиб. Одамлар унинг қанчалик яхши эканини тушунишмайди. Биламан, Англия ўз ҳужумчилари - Кейн, Руни ва бошқалар билан жуда омадли.
Лекин мен учун Варди энг яхшиси. У майдонда кўп иш қила олади. Масалан, олдинга югуриш ва ҳужумларни якунлаш, лекин мен учун энг яхшиси унинг ақл-заковатидир.
Ўтган йили у ўз услубини ўзгартирди ва ўйинни боғловчига айланди. Лекин унинг асосий маҳорати гол уришдир. У бир ҳафталик машғулотларни ўтказиб юбориши мумкин, кейин эса дам олиш кунида майдонга тушиб, гол уриши мумкин", - деди Мареска журналистларга.
