Мадриднинг “Реал” клуби бош мураббийи Карло Анчелотти франциялик футболчининг ўз қобилиятига бўлган ишончини қайтариш учун “Леганес” билан 14-тур ўйинида Мбаппедан ҳужумнинг чап қанотида фойдаланиш вариантини кўриб чиқмоқда. Бу ҳақда Relevo хабар бермоқда.
Манбага кўра, италиялик мутахассис "Қироллик клуби" ҳужумининг чап қаноти сўзсиз ҳужумчи Винисиус Жуниорга тегишли эканлигини тушунади. Аммо “Леганес” билан учрашувда унга халқаро танаффусдан кейин дам берилиши мумкин.
"Леганес" - "Реал Мадрид" учрашуви бугун, 24 ноябрь куни бўлиб ўтади ва Тошкент вақти билан соат 22:30да бошланади.
