"Реал Мадрид" бош мураббийи Карло Анчелотти Федерико Вальверденинг позицияси ҳақида гапирди.
Уругвайлик футболчи Ла Лиганинг якшанба куни бўлиб ўтган "Леганес"га қарши учрашувида ўнг қанотдан ҳимояда майдонга тушди ва бу учрашув "қаймоқранглилар"нинг 3:0 ҳисобидаги ғалабаси билан якунланди. 66-дақиқада уругвайлик футболчи рақиб дарвозасига тўп киритди.
"Ливерпуль"га қарши ўйинда Вальверде ўнг қанот ҳимоясида ўйнайдими? Мен унинг "Энфилд"да қандай позицияда ўйнашини ўйлаб кўришим керак. Ярим ҳимоямиз жуда яхши тузилган: Камавинга яхши формада, Себальос аъло даражада ўйнади, Модрич эса доим яхши.
Бугун Феде ўзини жуда яхши кўрсатди. Мен учун у Карвахаль ва Лукас Васкесдан кейин дунёдаги энг яхши ўнг қанот ҳимоячиси," - деди Анчелотти матбуот анжуманида.
"Ливерпуль" ва "Реал" ўртасидаги учрашув 27 ноябрь куни бўлиб ўтади.
