«Манчестер Сити» ўз таркибини кучайтириш устида ишламоқда. Охирги йиллардаги Англия чемпионлари Англия чемпионатида сезиларли ўсишга эришган «Борнмут»дан Илья Забарнийни нишонга олишди.
«Transfer News Live» нашрининг «Football Insider»га таяниб хабар беришича, Забарнийнинг «Манчестер Сити»га потенциал трансфери қимматга тушади. «Борнмут» 22 ёшли украиналик ҳимоячини 65 миллион фунтга (тахминан 78 миллион евро) сотишга тайёр.
Илья Забарний 2023 йил январь ойи охирида Киевнинг «Динамо»сидан трансфердан сўнг «Борнмут»га ўтган. «Гилослар» сафида 59 та ўйинда украиналик ҳимоячи битта гол уришга муваффақ бўлди.
