"Барселона" ҳужумчиси Роберт Левандовски "Брест"га қарши ўйинда дубль қайд этди.

Каталонияликлар 3:0 ҳисобида ғалаба қозонишган бўлса, 36 ёшли футболчи 10 ва 92-дақиқаларда Лига 1 вакиллари дарвозасига аниқ зарба йўллади. Эндиликда польякнинг жорий Чемпионлар лигасида урган голлари 7 тага етди - у турнир тўпурарлари рўйхатида ягона пешқадам. Иккинчи ўринни яна "Барселона"дан Рафинья Диас, Харри Кейн ("Бавария"), Флориан Вирц ("Байер"), Эрлинг Холанд ("Манчестер Сити") ва Виктор Дьёкереш ("Спортинг") бўлишиб туришибди – ҳар бири бештадан гол.

Роберт Левандовски Чемпионлар лигасида урган голлари сони 100 тага етган тарихдаги учинчи футболчи бўлди. Эндиликда "кўк-анорранглилар" форварди турнирнинг 125 учрашувида 101 та голга эга.