Ҳужумчи Харри Кейн Германия Бундеслигасининг шанба куни Дортмунднинг «Боруссия»сига қарши ўйинида (1:1) жароҳат олди. Қишнинг биринчи кунида «Бавария» Кейнга ташхис қўйилганини эълон қилди, аммо инглиз форвардининг тикланиши учун кутилаётган вақт ҳақида ҳеч нарса айтмади.
«Bild» хабарига кўра, Кейннинг тикланиши камида икки ҳафта давом этади. Агар ҳаммаси жойида бўлса, инглиз футболчиси «Бавария» сафида 2024 йилги сўнгги ўйинда «РБ Лейпциг»га қарши ўйнай олади. Ушбу ўйин 20 декабрь, жума куни бўлиб ўтади.
Кейн 2024/2025 йилги мавсумда 19 та расмий ўйинда 20 та гол ва 9 та голли узатмани амалга оширган.
