Ёзда "Реал Мадрид"га ўтган Килиан Мбаппе, шубҳасиз, спорт фаолиятидаги энг қийин даврлардан бирини бошдан кечирмоқда. Франция терма жамоаси сардори ўйин инқирозини бошидан кечирмоқда, шу сабаб ҳам у жуда кўп танқидларга учради.
"Ливерпул"ни тарк этиб, "Реал"га ўтган Майкл Оуэн ҳам Ла Лигада ўйнаганида ўзига яраша муаммоларга дуч келган. The Athletic нашрига берган интервюсида 2001 йилги "Олтин тўп" соҳиби Испания пойтахтидаги таассуротлари билан ўртоқлашди.
"Реал Мадрид - бу футболчи учун муқаддас жой. Аммо босим шунчалик кучлики, ҳатто нафас ололмайсиз. Мен Мадридга ўтишга қарор қилганимдан сўнг, фаолиятим устидан назоратни йўқотиб қўйдим" - деди инглиз.
Оуэн "Реал Мадрид"да бор-йўғи бир мавсум ўтказган (2004/05), у "Лос-Бланкос" таркибида 45 ўйинда 16 гол ва 4 голга ассистентлик қилган.
