"Барселона" мавсум охирида Френки де Йонг билан хайрлашишга тайёр.
Diario Sport хабарига кўра, ярим ҳимоячининг клубдаги ҳолатига апрель ойида тўпиғидан олган жароҳати таъсир қилган, шу сабабли де Йонг деярли олти ойни ўтказиб юборган. Жароҳатдан олдин "Барселона"нинг спорт директори ярим ҳимоячини лойиҳанинг муҳим қисми деб ҳисоблаган, аммо охирги таклиф муддати тугаган эди.
Де Йонгнинг жамоадаги ўрни ўзгарганини инобатга олган ҳолда, "Барселона" энди унинг 2026 йилда тугайдиган шартномасини узайтириш бўйича музокаралар олиб бориш ниятида эмас. Клуб ярим ҳимоячини трансферга қўйишга тайёр ва уни кичик суммага сотишга рухсат беради. Каталония радиосининг таъкидлашича, каталонияликлар 20 миллион евролик таклифларни кўриб чиқишга тайёр.
Қайд этилишича, “Барселона” учун асосий муаммо де Йонгнинг юқори маошидир. У йилига тахминан 35 миллион евро олади.
