"Бавария" "Байер" ярим ҳимоячиси Флориан Вирцнинг юқори даражадаги трансферини амалга оширмоқчи. "Фармацевтлар"нинг ёш етакчиси мюнхенликларнинг ёзги трансфер ойнасидаги асосий мақсади ҳисобланади.
Журналистлар Тоби Алтшеффл ва Кристиан Фалкнинг сўзларига кўра, "Бавария" "Байер" томонидан белгиланган 150 миллион евро нархга қарамай, Вирцни сотиб олишга қодирлигига ишончи комил.
Мюнхенликлар харажатларни камайтириш устида ишламоқда, аммо бу 21 ёшли германиялик юлдузнинг келишувига таъсир қилмаслиги керак.
Кўплаб миш-мишларга кўра, Флориан Вирцга "Реал", "Барселона" ва "Манчестер Сити" клублари ҳам қизиқиш билдирмоқда.
