"Бавария" "Осасуна" ҳужумчиси Брайан Сарагосани қайтаришни режалаштирмаяпти ва у учун таклифларни тинглашга тайёр, дея хабар беради Bayern & Germany.
Эслатиб ўтамиз, Сарагоса ўтган қишда "Гранада"дан "Бавария"га ўтганди. Бу мавсумда футболчи "Осасуна"да ижара асосида ўйнамоқда.
Яқинда Сарагосанинг метатарсал суяги синганлиги хабар қилинган эди. Жорий мавсумда 23 ёшли испаниялик футболчи "Осасуна" сафида 15 та ўйин ўтказиб, 1 та гол урди ва 5 та голли узатмани амалга оширди.
Мюнхенликлар таркибида Брайан 7 та ўйин ўтказди, аммо унчалик самарали бўлмади.
