Нидерландия терма жамоасининг собиқ футболчиси Раян Бабель Эрик тен Хагнинг "Манчестер Юнайтед"даги фаолияти ҳақида ўз фикрлари билан ўртоқлашди.
"Мен Тен Хаг ажойиб мураббий эканини биламан, у футболни жуда яхши тушунади, лекин яна такрор айтаман, Премьер-лига Нидерландия футболига умуман ўхшамайди, Премьер-лигада бу тамойиллар асосида ўйнаш ҳар доим ҳам тўғри келмайди.
Англия чемпионатида мослаша олиш керак. Захира режангиз бўлиши керак. Унинг борлигига ишончим комил эмас. Ўйлашимча, нидерландиялик ўз режасига ҳаддан ташқари берилиб кетди ва ҳамма нарса унга зид бўлса ҳам уни амалга оширишга ҳаракат қилди. Айнан шундай бўлганига ишонаман. Албатта, сизнинг ҳамюртингизнинг бундай мағлубиятини кўриш жуда ачинарли, аммо ишончим комилки, Эрик яна қайтади", - деди Бабель.
АПЛнинг 14-туридан кейин “Манчестер Юнайтед” 19 очко билан 13-ўринда бормоқда. Ҳозир жамоани Рубен Аморим бошқармоқда.
