"Вердер" ярим ҳимоячиси Наби Кейта "Ференцварош"га ўтиши мумкин.
Венгрия клуби 29 ёшли гвинеялик футболчини 2025 йилнинг январидан бошлаб бир йилга ижарага олмоқчи, деб хабар беради Sky Sport нашри.
Кейта ҳали "Ференцварош"да тиббий кўрикдан ўтгани йўқ, аммо келишув 2-3 кун ичида якунланиши мумкин.
Ярим ҳимоячининг "Вердер" билан шартномаси 2026 йилнинг июнигача амал қилади. Клуб аввалроқ Кейтани апрель ойида Бундеслига ўйинига боришдан бош тортгани учун дисквалификация қилган эди.













