Френки де Йонг "Бетис"га қарши ўйинда қизил карточка олиши керак эди.

Бу фикрни собиқ ҳакам Эдуардо Итурральде Гонсалес айтди. “Барселона” “Бетис” билан 2:2 ҳисобида дуранг ўйнади.

Ла Лиганинг 16-тур учрашувининг 66-дақиқасида каталонияликлар дарвозасига пенальти белгиланди - Френки де Йонг жарима майдончаси ичида Витор Рокени йиқитди.

Нидерландиялик футболчи сариқ карточка олган бўлса, "Барса" бош мураббийи Ханс-Дитер Флик ҳакамнинг фикрига қўшилмагани учун қизил карточка олди.

“У рақибнинг оёғини қаттиқ босганидан Рокенинг бутсаси ечилиб кетди. Бу қизил карточка эди. Бу гол уриш учун яққол имконият эди”, - деди Итурральде.

Учрашувни Алехандро Муньис бошчилигидаги ҳакамлар бригадаси бошқариб борди.