"Милан", "Барселона" ва "ПСЖ" клубларининг собиқ футболчиси Златан Ибраҳимович мураббийлик фаолияти ҳақидаги саволга жавоб берди.
"Мен ҳали ҳам мураббий бўлишни хоҳламайман, чунки бу мен учун жуда кўп иш олиб келади. Сиз жуда кўп соҳаларни қамраб олишингиз, ғоялар ва ечимларни топишингиз, ўйинларга тайёргарлик кўришингиз ва уларни кузатишингиз керак. Сиз кечаю кундуз ишлайсиз. Мураббий сифатидаги бир йил 10 йилдек туюлади. Шунинг учун бу менга ёқмайди", деди Ибраҳимович.
Клубдаги фаолияти давомида Златан Ибраҳимович барча мусобақаларда 827 та ўйин ўтказган. Уларда у 496 та гол урди ва 202 та голли узатмани амалга оширди. Швециялик футболчи ҳозирда "Милан"да ишламоқда. У клуб хўжайинларининг маслаҳатчиси.
