Матбуотда Муҳаммад Салоҳ ва "Ливерпуль" янги шартнома бўйича музокаралар чоғида муросага келгани ҳақида маълумот пайдо бўлди. Бироқ журналист Бен Жейкобс ижтимоий тармоқларда ҳозирча ҳеч нарса келишиб олинмаганини ёзди.
"Биз ҳали ҳам Салоҳ билан шартномани узайтириш устида ишлашимиз керак. Музокараларга бошчилик қилаётган Ричард Хюз ва “Ливерпуль” хотиржамликни сақлашади, бироқ ҳозирча ҳеч нарса келишиб олингани йўқ. Мунозаралар ижобий деб таърифланади, бироқ жараён вақт талаб қилиши мумкинлиги ҳисси сақланиб қолмоқда", — деб ёзган Жейкобс.
Хабарингиз бор, Муҳаммад Салоҳнинг “Ливерпуль” билан амалдаги шартномаси 2024/2025 йилги мавсум охиригача амал қилади.
