"Милан" президенти Паоло Скарони "Аталанта"га қарши ўйиндан сўнг (2:1) бош мураббий Пауло Фонсеканинг эътирозларига қарамай, "ҳакамлар ҳар доим ҳақ" деб таъкидлади.
Португалиялик мураббий жума куни "Аталанта"га қарши ўйинда (2:1) мағлубиятдан сўнг Федерико Ла Пенна ва бошқа ҳакамларни "россонери"га "ҳурмат қилмаслик"да айблаган эди.
Шунга қарамай, "Милан" президенти Скарони душанба куни А Серия учрашувидан олдин ҳакамларни айблашдан бош тортди.
"Буни ҳакам ҳал қилади ва мен ҳеч қачон ҳакамларнинг қарорларига изоҳ бермайман. Ҳакамлар ҳар доим ҳақ", – деди президент.
"Милан" А Серия жадвалида 7-ўринда жойлашган.
