Халқаро профессионал футболчилар ассоциациялари федерацияси (FIFpro) 2024 йил учун рамзий терма жамоасини эълон қилди. Номзодлар бир ҳафта олдин эълон қилинган, энди ташкилот рамзий терма жамоанинг якуний вариантини кўрсатди. Улар шундай кўринади:

Эдерсон («Манчестер Сити») – Дани Карвахаль («Реал»), Виржил ван Дейк («Ливерпуль»), Антонио Рюдигер («Реал Мадрид») – Жуд Беллингем («Реал»), Кевин Де Брюйне («Манчестер Сити»), Тони Кроос («Реал»), Родри («Манчестер Сити») – Эрлинг Холанд («Манчестер Сити»), Килиан Мбаппе («Реал»), Винисиус Жуниор («Реал»).

Эслатиб ўтамиз, октябрь ойи охирида «Манчестер Сити» ва Испания терма жамоаси ярим ҳимоячиси Родри «Олтин тўп»ни қўлга киритган эди.