"Интер" ҳужумчиси Маркус Тюрам Лионель Месси бутсаларида қандай машғулот ўтказгани ҳақида гапириб берди.

"Машғулотларга келдим, лекин бутсаларимни уйда қолдирдим ва оёқ кийими ўлчами меникига ўхшаш футболчи Месси бўлиб чиқди. Ўша пайтда у ақл бовар қилмайдиган футболчи бўлган, ҳозир ҳам шундай, лекин мен учун болалигимда Месси оддийгина отамнинг жамоадоши эди, у менга машғулот ўтказишим учун бир жуфт бутса берган", - дейди Тюрам. Бу ҳақда Fcinternews хабар бермоқда.

27 ёшли Тюрам жорий мавсумда "Интер" сафида барча турнирларда 18 та ўйин ўтказиб, 11 та гол урди ва 6 та голли узатмани амалга оширди ва унинг Италия клуби билан шартномаси 2028 йилнинг 30 июнига қадар мўлжалланган.