"Inter" hujumchisi Markus Tyuram Lionel Messi butsalarida qanday mashg‘ulot o‘tkazgani haqida gapirib berdi.
"Mashg‘ulotlarga keldim, lekin butsalarimni uyda qoldirdim va oyoq kiyimi o‘lchami menikiga o‘xshash futbolchi Messi bo‘lib chiqdi. O‘sha paytda u aql bovar qilmaydigan futbolchi bo‘lgan, hozir ham shunday, lekin men uchun bolaligimda Messi oddiygina otamning jamoadoshi edi, u menga mashg‘ulot o‘tkazishim uchun bir juft butsa bergan", - deydi Tyuram. Bu haqda Fcinternews xabar bermoqda.
27 yoshli Tyuram joriy mavsumda "Inter" safida barcha turnirlarda 18 ta o‘yin o‘tkazib, 11 ta gol urdi va 6 ta golli uzatmani amalga oshirdi va uning Italiya klubi bilan shartnomasi 2028 yilning 30 iyuniga qadar mo‘ljallangan.
