"Реал Мадрид" Чемпионлар лигаси ўйинида яна ўз дарвозаси томон пенальти тепилишига сабабчи бўлди.
Карло Анчелотти шогирдлари "Аталанта"га қарши сафардаги баҳснинг (3:2) 10-дақиқасида Килиан Мбаппенинг аниқ зарбаси эвазига олдинга чиқиб олишди, бироқ танаффусга бироз вақт қолганда майдон эгалари ҳисобни тенглаштира олишди – Шарл де Кетеларе пенальтини голга айлантирди.
Opta хабарига кўра, "Реал Мадрид" жорий Чемпионлар лигасида олтита ўйинда ўз дарвозаси томон учинчи пенальти тепилишига сабабчи бўлди - бу 2009/10 йилги мавсумдан бери содир бўлмаган (ўша пайтдаги кўрсаткич).
