"Ливерпуль" ҳимоячиси Эндрю Робертсон "Жирона"га қарши ўйин натижасини сарҳисоб қилди.
Арне Слот бошчилигидаги жамоа Чемпионлар лигаси умумий босқичи 6-тур учрашувида Муҳаммад Салоҳнинг пеналтидан урган голи эвазига 1:0 ҳисобида зафар қучди.
Учрашувнинг энг яхши футболчиси деб топилган “Ливерпуль” ҳимоячиси Эндрю Робертсон ўйиндан сўнг журналистлар саволларига жавоб берди.
“Учрашувнинг энг яхши ўйинчиси бўлиш ёқимли бонус. Менимча, бу менинг иккинчи мукофотимдир. Ўғлим боғда у билан ўйнашни яхши кўради, шунинг учун энди унинг ўйинчоқларига яна бирини қўшамиз.
Бундай эътирофни олиш жуда ёқимли, лекин сиз мени анчадан бери биласиз ва мен учун асосийси жамоа ва уч очко эканлигини биласиз", деди футболчи.
