"Бавария" ҳужумчиси Томас Мюллер Чемпионлар лигасида "Шахтёр" устидан қозонилган ғалабадан сўнг (5:1) журналистлар саволларига жавоб берди. Мюнхенликлар 5-дақиқада гол ўтказиб юборишди, аммо танаффусга қадар олдинга чиқиб олишга муваффақ бўлишди ва иккинчи бўлимда яна уч марта рақиб дарвозасини ишғол қилишди.
"Биз мамнунмиз. Бундай ўйинлар ҳар доим бир неча босқичларга бўлинади. Ўтказиб юборилган гол бизни ҳайратга солди, аммо биз тўхтамадик. Рақиблар ўз дарвозаларидан қисқа ўйин кўрсатишга ҳаракат қилишди, аммо бундай вазиятларда тўпни йўқотиб қўйишди.
Ҳужумда ўйнайдиган "сеҳргарларимиз" ҳар доим гол уришни исташади, гарчи 3:1 ҳисобида тажовузкор ҳаракат қилиш умуман шарт эмас", - деди Мюллер.
