"Шахтёр" ҳужумчиси Лассина Траоре "Баварияга"га қарши бўлиб ўтган ўйин ҳақидаги фикрлари билан ўртоқлашди.
Мюнхенликлар Чемпионлар лигаси умумий босқичининг 6-туридан ўрин олган учрашувда 5:1 ҳисобида ғалаба қозонди.
"Биз кейинги босқичга йўл олиш борасида ўзимизга ишонамиз. Бизда ҳали имконият бор, чунки бу футбол. Олдинда бизни Германияда яна иккита 90 дақиқалик ўйинлар кутиб турибди. Биз Дортмундда ўйнаймиз ва бу осон бўлмайди, шунингдек, "Брест" билан ҳам уйдаги ўйин осон ўтади деб бўлмайди. "Брест" бу турнирда жуда яхши иштирок этмоқда. Биз хотиржамликни сақлашимиз ва йўлимизда тақдим этилган имкониятлардан фойдаланишда давом этишимиз керак" - деди Траоре УЕФА расмий сайтига.
