Англия футболи афсонаси Алан Ширер "Манчестер Юнайтед"даги инқироз ҳақида гапирди.
Унинг фикрича, Жим Рэтклифф қўл остида клубнинг янги раҳбарияти ўзини оқламаган ва унинг ишига салбий баҳо беради.
"Хаос - бу ўринли сўз. Бошида биз жуда нохуш вазиятдан яхши кунларга ўтадиган клуб ҳақида гапирдик.
Ҳамма Рэтклифф келди ва ҳаммаси жойида бўлади деб ўйларди. Аммо аслида улар чипталар нархини ошириб юборишди, кейин Тен Хаг билан янги шартнома имзолашди, унга янги ўйинчилар учун пул беришди ва кейин уни ишдан бўшатишди. Бунинг нима кераги бор?", - деди Ширер.
