"Малага"нинг чап қанот ҳимоячиси Антонио Кордеро Ла Лиганинг икки гранди "Барселона" ва "Реал Мадрид"нинг диққат марказида турибди. Ҳар икки клуб ҳам 18 ёшли футболчини келажак юлдузи сифатида кўрмоқда ва унга шартнома таклиф қилишга тайёр.

Marca нашрининг ёзишича, Антонио болалигиданоқ "Реал"га мухлислик қилган. Шу сабабли, Мадридликлар машҳур оқ либосда ўйнаш ғояси Кордерони "Барселона"да ўйнашдан кўра кўпроқ жалб қилиши мумкин деб ҳисобламоқда.

Ушбу мавсумда вингер 18 та ўйинда майдонга тушиб, 3 та гол урди ва 3 та голли узатмани амалга оширди.