Михаил Мудрикнинг допинг тести ижобий чиқди ва номаълум муддатга футболдан четлаштирилди. "Челси"нинг украиналик футболчиси тақиқланган моддаларни истеъмол қилганини рад этади ва тергов давомида ваколатли органлар билан ҳамкорлик қилади.
Айни пайтда Мудрик ижтимоий тармоқларда "Челси" мухлиси суратида пайдо бўлди. Сурат Саудия Арабистонида олинган.
Матбуотнинг ёзишича, Мудрик Саудия Арабистонига ватандошининг бокс жангини томоша қилиш учун кетган — шанбадан якшанбага ўтар кечаси Александр Усик Тайсон Фьюри билан рингга кўтарилади.
